Երեքշաբթի, 20 Սեպտեմբեր 2011 20:05
Վերջին Թարմացում on Ուրբաթ, 04 Հունվար 2013 09:18
Թիւ 236/11/hag Աթէնք, 19 Սեպտեմբեր 2011
Աթէնքի նահանգապետարանի հրաւէրին ընդառաջելով Կիրակի, 18 Սեպտեմբեր 2011-ի առաւօտեան ժամը 11-ին, յանուն Առաջնորդ Սրբազան Հօր Աթէնքի հոգեւոր հովիւ Արժ. Տ. Պարէտ քհնյ. Խաչերեան եւ Ազգային Վարչութեան անդամ պրն. Յովհաննէս Գայթանճեան ներկայ գտնուեցան Յունաց Մայր Տաճարի կից մատուռը, ուր կատարուեցաւ Գոհաբանական աղօթք-մաղթանք Փոքր Ասիոյ յոյներու դէմ գործուած ցեղասպանութեան յիշատակին առթիւ։ Ներկայ էին նախարարներ, երեսփոխաններ, զինուորական եւ այլ պաշտօնական անձնաւորութիւններ: Ետքը բոլորը թափօրով ուղղուեցան Տ. Խրիսոսթոմոս Զմիռնիացի Արք.ի շիրիմը, ուր տեղի ունեցաւ դափնեպսակի զետեղում։
Նշենք թէ օրուան բանախօսը Զմիռնիի եղեռնին կապակցութեամբ քանիցս անդրադարձաւ հայ կղերականներուն ու ժողովուրդին մասին, որոնք զոհ գացին նոյն աղէտին։
Դիւան
Յունաստանի Հայոց Ազգ. Առաջնորդարան
ՄԱՅՐ ԷՋ
